Өнгөрсөнөө дүгнэж, ирээдүйгээ төлөвлөх шинэ жилийн баярын уур амьсгал ороод цаанаа л нэг сайхан болчихжээ. Аж ахуйн нэгж, иргэд орлого ашгаа тооцож  баяраа хөл хөөрцөг дүүрэн хийх гээд тун завгүй. Харин нөгөө талд нь урлаг соёлынхон хоолойгоо тордож хэчнээн байгууллагын шинэ жилд уригдан, ямар ханшаар дуулахаа бэлтгэж байна. Эхнээсээ үнэ ханш нь тодорхой болж байр сууриа олчихсон хэсэг нь  чамгүй өндөр ханшийг санал болгож байгаа аж.

Харин шинэ залуу хамтлаг дуучид санал авангуутаа харилцан тохиролцоно гэж байгаа. Тэдний ингэж ярьж ханш унагаж байгаа нь акулуудад шавар хаасан хэрэг болж байгаа бололтой. Ингээд шинэ жилээ хийхээр төлөвлөж байгаа та бүхэнд рок  поп, зохиолын дуучид ямар үнэ ханшаар дуулах гэж байгааг хүргэж байна.

Рок попынхонтой зах зээлээ булаалддаг бас нэг хэсэг нь зохиолын зууныхан. Шинэ жилийн үдэш зохиолын дуу сонсохыг хүссэн хүмүүс олон. Тэдний таашаалд нийцүүлэн үдэшлэг зохион байгуулагчид зохиолын дуучдыг урьдаг. Одоогоор тэд хараахан ханшаа тогтоож амжаагүй боловч тогтсон ханштай хэсэг нь бас байна. Зохиолын дуучдын хувьд нэг ханш дээрээ хатуу зогсдоггүй харилцан тохиролцох хамгийн энгийн байдаг гэнэ.

Б.Тэнгис Times.mn