“Киви” хамтлагийн халуухан бүсгүйчүүдийн нэг Ука гадаад төрхөө ихэд анхаардаг гэх. Шоу тоглолт, хүлээн авалт, баярын урилгад дарагдах дөхсөн тэрбээр НЭГ УДАА Halloween-ий баяраар цус сорогчийн дүрд хувирсан нь энэ. Урт соёо, улаан нүд, савхин гоёл гээд тэр чигээрээ аюул “дагуулсан” дуучин бүсгүйг хараад фэнүүд нь ёстой л шоконд орсон юм байх. Аагий, Намуунаа хоёр нь харин ижил хувцсаар гангарснаас бус араатны дүрд хувираагүй аж. Гэнэтийн бэлэг барьсан Ука энэ бүх стилиэ бүрдүүлэх гэж томоохон салонд багагүй цаг зарцуулан байж тухалсан бөгөөд зураг хөргөө ч хангалттай авахуулан “Энэ чинь тэр бүр хувираад байж болохгүй төрх. Ганц удаа цус сорогч болж үзсэндээ харин ч бүр баяртай байна шүү” хэмээн найз нөхдөдөө гайхуулжээ.

Р.Есүй