Монголчуудын хоол хүнсний зохисгүй хэрэглээ, амьдралын буруу зуршлаас үүдэн эрэгтэй, эмэгтэй хүмүүсийн бие физиологийн өөрчлөлт сүүлийн үед биологийн наснаасаа хурдацтай өөрчлөгдөж, хорт нөлөөлөл их болсныг мэргэжлийн эмч нар хэлж байна.

Өчигдөр Эрүүл Мэнд Спортын яаманд улсын клиникийн болон нэгдсэн эмнэлгүүдийн 120 гаруй эмч мэргэжилтнүүдийн сургалт зөвлөгөөн боллоо. Зөвлөгөөний үеэр эрэгтэй эмэгтэй хүмүүст түгээмэл илэрч буй бэлгийн сулрал болон цэвэршилтийн дараах сөрөг асуудлыг хэлэлцэв.
Сүүлийн үед дэлхий нийтээр эрэгтэйчүүдийн шодойн хөвчрөлийн хямрал, түүний тархац ихэсч тэр дундаа Азийн орнуудад 113 саяд хүрсэн нь XXI зууны тахал гэж нэрлэгдэхэд хүрсэн байна. Монгол эрчүүдийн дунд энэ төрлийн хямрал түгээмэл байгаа бөгөөд энэ байдлаа нуун дарагдуулж, эмнэлэг эмчид үзүүлэхгүй хугацаа алдсанаас асуудлыг хүндрүүлж эмчлэхэд төвөгтэй болгодог байна.

Харин эмэгтэйчүүдийн хувьд наснаасаа эрт цэвэрших болон цэвэршсэний дараах хүндрэлүүд ихээр гарч байгаа нь мөн л амьдралын буруу хэвшил, хорт зуршил, ажлын хэт их ачаалал, хоол хүнс, хэт таргалалттай холбоотойг хэллээ.
Энэхүү зөвлөгөөнийг монголчуудад “Fantasy sex shop” хэмээх нэрээр хэдийнэ танил болсон “Фантази фарм” эм ханган нийлүүлэх төвөөс зохион байгуулж байна.

Тус фарм нь дээрх хоёр өвчлөлийн эсрэг дэлхийн стандартад нийцсэн хоёр төрлийн бүтээгдэхүүнийг өнгөрөгч оны 12 дугаар сард монгол улсад албан ёсны эрхтэйгээр оруулж ирсэн бөгөөд эдгээр бүтээгдэхүүнүүдийг эмч, эмнэлгийн ажилтнуудад танилцуулан хэлэлцүүлснээр эм ханган нийлүүлэх чиглэлийн үйл ажиллагаагаа эхлүүлж байгаа юм байна.

2000-аад оны эхээр “Fantasy sex shop” нэртэй дэлгүүрүүд Улаанбаатарын төвөөр мэр сэр үзэгдэж үүдээ нээж байсан бол төд удалгүй хэрэглэгчдийн таашаалыг хүлээсэн салбар дэлгүүрүүд болон өргөжин тэлсэн билээ. Мөн “Фантази фарм” нэртэй эмийн сангууд үүдээ нээх нь ээ.
Дэлхий нийтээр сүүлийн жилүүдэд орчин үеийн дэвшилтэт эмийн хэлбэр болох ODF буюу ялтсан эмийн хэлбэрийг өргөн хэрэглэх болсон ба тус компани нь энэхүү эмийн хэлбэрийг Монгол улсад анх удаа бүртгүүлсэн таатай явдал тохиосон байна.
Энэ эм нь БНСУ-ын Kwand Dong Pharmaceutical Co., Ltd эмийн үйлдвэрийн “Ignis” буюу эрэгтэйчүүдийн шодойн хөвчрөлийн хямралын эмчилгээнд хэрэглэдэг юм байна. Энэхүү эмийг эмчийн жороор бүх эмийн сан, сүлжээ дэлгүүрүүдээрээ худалдаалах юм байна.
Мөн ХБНГУ-ын Amor Gummiwaren Gmbh эмнэлгийн хэрэгслийн үйлдвэрээс Амор брендын 10 нэр төрлийн бэлгэвчүүд, эмэгтэйчүүдийн чийгшүүлэгч гель болон үтрээ агшаах бөмбөлөгийг оруулж ирдэг болоод багагүй хугацааг үдсэн байна.

Энэ удаагийн сургалт семинар нь эм ханган нийлүүлэгчид, эмнэлэгийн ажилтнуудын дунд болсон бөгөөд энэ төрлийн эм бэлдмэлийн тухай дэлгэрэнгүй мэдээллийг агуулсан сургалт болж өндөрлөлөө.

PHOTONEWS.MN