Тээврийн хэрэгсэл хуучин цагт бэлтэй хүн л унаж эдлэдэг гэсэн ойлголт байсан бол одоо хүн бүхний хэрэгцээ болоод удаж байна. Харин амьдралынхаа гол хэрэглээ болсон машиныхаа бүрэн бүтэн байдлыг байнга шалгаж байхгүй бол эд зүйлсээрээ хохирох, амь насаа алдах, аваар осолд өртөхөөс эхлээд шатах хүртэл эрсдэлд орох аюултай.
Ялангуяа орон нутгийн замд гарахдаа масло тосноос эхлээд эд ангийг нь ч мөн сайтар шалгахгүй, яарч гарснаар ийм байдалд хүрэх юм.
2014-11-27ны өдөр Төв аймгийн Эрдэнэ сумын нутаг дэвсгэрт Toyota spacio markiin машин шатсан хэрэг гарч, энэхүү үйл явдлыг бид газар дээрээс нь сурвалжилан та бүхэндээ сэрэмжлүүлэг болгон хүргэж байна. Хүний амь нас эрсдээгүй ч, амьдралаа залгуулдаг гол хэрэглээ болсон тээврийн хэрэгсэл нь дахин ашиглах, засаж сэлбэх ямар ч боломжгүй болтлоо шатсан юмаа.

Яарвал даарна гэж үг байдаг. Та яаж ч яарсан машин тэрэгнийхээ бүрэн бүтэн байдлыг сайтар хангаж аян замдаа ая тухтай аялаарай.