Шинээр байгуулагдах Засгийн газрын бүтэц, бүрэлдэхүүний асуудал яригдсаар л байна.  УИХ-д суудалтай намууд юуны түрүүнд Засгийн газрын бүтэц хэд байх талаар зөвшилцсөн ч шийдэлд хүрч чадахгүй байгаа гэдгийг зарим эх сурвалж хэлж байна.  Өчигдрийн хувьд АН, МАН-ын ажлын хэсгийн гишүүд уулзаж, зөвшилцсөн ч учраа ололгүй хоёр тийм харсан гэнэ.  Тодруулбал, АН-ын зүгээс яамдын тоог нэмнэ гэх байр суурийг баримталж байгаа аж.  Харин МАН-ын бүлэг яамдын тоог цөөлөх ёстой гэдэг байр сууриа хатуу баримталж байгаа бололтой.  Өнгөрсөн хугацаанд шинэлэлийн Засгийн газар 17 яам 19 сайдтайгаар үйл ажиллагаагаа явуулж байсан.  Үүнтэй зэрэгцээд урсгал зардал их гарч байсныг МАН-ын бүлгийн гишүүд шүүмжилсээр ирсэн.  Тиймээс тэд өнгөрсөн хугацаанд баримталж ирсэн бодлогодоо тууштай хандаж байгаа аж.  Монгол Улсын Ерөнхий сайд Ч.Сайханбилэг нэмж хоёр яам шинээр байгуулна гэсэн мэдээлэл цацагдсаар байна. Тэгэхээр эх сурвалжуудын хэлж буйгаар шинээр байгуулагдах Засгийн газар 15 яам, 17 сайдтай байх нь.  Уг нь Ерөнхий сайд асан Н.Алтанхуяг бүтцийн өөрчлөлтийн төслийг оруулж ирэхдээ 13 яамтай байхаар тусгаж байсан билээ. Нөгөө талаар Ерөнхий сайд Ч.Сайханбилэг ямар шалтгаанаар яамдын тоог нэмэгдүүлнэ гэж байгаа нь хамтарч буй жижиг намуудад бялуу хүртээх гэсэн заль байж мэднэ. Уул уурхай, эрчим хүчний яамыг буцааж задлаад, Уул уурхайн яам, Эрчим хүчний яам хэмээн хоёр хувааж аж.  Ингээд Эрчим хүчний сайдад “Шударга ёс” эвслийн дарга Н.Батцэрэгийг томилохоор тохиролцсон бололтой. Юутай ч шинээр байгуулагдах шийдлийн гэх Засгийн газрын ам зураг гарчээ.  Олны үг ортой гэдэг Засгийн газрын бүтэц, бүрэлдэхүүний хувьд иймэрхүү тохироо хийгдэж байгааг үгүйсгэхгүй.

– See more at: http://www.unen.mn/content/43193.shtml?alias=politics#sthash.rwBdwFY8.dpuf