Японы барилгачид усан дор хотхон барих ажлыг гүйцэтгэхээр төлөвлөж байгаа аж. Shimizu компанийн уран бүтээлчид усан доорх эко-хотын зураг төслийг танилцуулсан бөгөөд 2030 он гэхэд уг компани хэрэгжүүлж дуусах бөгөөд төслийн өртөг 25 тэрбум доллар болох гэнэ.  Уг хотод 5000 хүн оршин суухаар тооцоолсон байна.

Хотыг гурван хэсэгт хуваахаар төлөвлөж байгаа бөгөөд орон сууцнаас гадна зочид буудал, үйлдвэр барина.

Мушгиа хэлбэртэй 15 км урт хэсэгт орон сууц болон зочид буудал-ажил хэргийн бүс байрлах аж. Харин үйлдвэр нь байгууламжийн доод хэсэгт байрлах бөгөөд уг үйлдвэр нь метаны генийн бичил биетийн тусламжтайгаар нүүрсхүчлийн хийнээс метаны хий гарган авна гэж “The Guardian” сонинд мэдээлжээ.

Усан доорх хотууд нь газар хөдлөлт, цунамийн аюулд бараг өртөхгүй байх аж. Энэ төсөл олон компаниудын дэмжлэг авч байгаа гэнэ.

Эх сурвалж: Шуурхай.мн