УИХ-ын гишүүн Ц.Нямдорж намаасаа гарна гэдгээ өчигдөр мэдэгдээд байсан билээ. Ц.Нямдоржийн хувьд энэ удаад Засгийн газарт  хамтрахгүй байх нь МАН-д ашигтай гэсэн байр суурин дээрээ хатуу зогсож байгаа аж. Тэгвэл энэ талаараа нэгэн хэвлэлд өгсөн ярилцлагадаа хэлэхдээ “Би МАН Засгийн газарт орж болохгүй гэдэг хатуу байр суурьтай байгаа. Энэ байр сууриа бүлэг, удирдах зөвлөл, Зөвлөхүүдийн танхим дээр ч хэлсэн. Хэдэн хэдэн шалтгаан бий.

Нэгдүгээрт, сөрөг хүчингүй болно. Хоёрдугаарт, дээр үед 62-ийн бүдүүн бүлэг гэж нэг юм байгуулагдаж байсан. Одоо бие даагч гурвыг хасаад 73-ын бүдүүн бүлэг байгуулагдах юм байна л даа. Ингээд хэрэг дээрээ парламентад ёс гэдэг зүйл байхгүй болно. Бүгдийг нь оруулж, засагт хамтарсан нэрээр амыг хаачихаад, цаад талд нь хэдэн хэдэн урхагтай шийдвэр гарах зорилго харагдаад байгаа юм. Хуйвалдааны шинжтэй, төрт ёсны зарчимд байж болмооргүй  зүйлүүд их яригдаад байгаа учраас эсэргүүцэж байгаа. Надаас гадна хэд хэдэн гишүүн эсэргүүцэж байна” хэмээжээ.

Эх сурвалж: Шуурхай.мн