Монголчуудын хамгийн дуртай баяр болох шинэ жил ойртож байна. Харин олон баяр тэмдэглэх нь архидалтын гол шалтгаан болчихоод байна гэж хуулийн байгууллагаас үзэж байгаа юм. Тухайлбал, шинэ сар гараад л шинэ жилийн уур амьсгал орж, Шинэ жилийн баяраа албан байгууллагаараа тэмдэглэх нь тодорхой. Өнгөрсөн жил л гэхэд баяраа тэмдэглэж яваад осгож амиа алдсан хэд хэдэн тохиолдол бүртгэгдсэн билээ.

Тиймээс энэ жил Нийслэлийн цагдаагийн газраас эрт сэрэмжлүүлэг өгч, архи дарсаа тааруулж хүртэн, баяраа аятайхан тэмдэглэхийг уриалж байгаа аж. Тухайлбал, улсын хэмжээнд жилд 123.000 хүн эрүүлжүүлэгдсэнээс 6600 эмэгтэй, 830 хүүхэд, 1400 гаруй оюутан, 1800 төрийн алба хаагч байсан гэсэн тоог гаргажээ.

Шуурхай.мн