Нийслэлийн иргэдийн хөл дүүжлэх гол унаа бол автобус. Гэвч автобус зорчигчдыг 20-30  минут хүлээлгэж, хурдан давхин хүн гэмтээх нь холгүй байдаг нь нууц бишээ. Учир нь манайд автобус хүрэлцээ муутайгаас гадна зарим чиглэлүүд ачааллаа даадаггүй. Том оврын автобусны үйлчилгээ эрхлэгчдийн холбоо гэж нэг гоншигносон ТББ байх юм. Ард иргэдийн төлөө бус ашгийн төлөө байгууллага гэмээр түмэндээ үйлчилдэг нэрээрээ гул барьж юу санаснаа хийж болдог гэж бодсон бололтой юм. Өнгөрсөн өвөл мэдээлэл хийгээд л нийтийн тээврээр зорчих хөлсийг 500 төгрөг болгосон. Гэвч нийтийн тээвэрт үнэ хөлсөө нэмэхээс нийслэлд явж байгаа автобуснуудыг шинэчлэх, тоог нь нэмэгдүүлэх ухаан байхгүй бололтой. Автобусны хүрэлцээ муутайгаас хамаг цаг заваа алдан зогсоол дээр хүлээдэг, чихэлддэг иргэд л их бага хэмжээгээр хохирч үлдэх юм. Ажил алба, гэр орон руугаа яарч байгаа иргэд автобус удаан хүлээсний эцэст бөөн юм болж чихэлдэн сууна. Харин сууж амжаагүй иргэд микро, такси гэх сонголтоос өөр зүйлгүй болдог. Энэ бүхний завсараар “халтуур”-ын таксичид ард түмэнд үйлчлэх юм. Бид өдөр бүр автобус хүлээж, сууж амжилгүй таксинд үйлчлүүлэх тийм ч их бололцоотой улс биш. Гэвч нийтийн тээвэр болох автобус хүрэлцээ муутайгаас болж ийм сонголт хийхэд хүрдэг нь эмгэнэл юм.

Харин ачаалалтай шугамуудад нэмэлтээр автобус оруулах гэхээр оруулж ирэхгүй монополдсон байдлаа алдахгүйг хичээчнийгмийн захиалгат үйлчилгээ болох нийтийн тээврийг бизнесийн сэдэвтэй болгоод байна.