Цалингийн нэмэгдлийн хугацааг наашлуулахыг шаардаж буй ЕБС-ийн багш нар өчигдөр өглөө 08.00-10.30 цагийн хооронд ажил хаялт зарласан билээ. Үүнд нийслэлийн болоод орон нутгийн нийт 108 сургуулийн 10 мянга гаруй багш оролцсон байна. Өнгөрөгч даваа гаригт мөн цэцэрлэгийн багш нар ажил хаялт зарлаж, 101 цэцэрлэгийн багш нар энэхүү арга хэмжээнд нэгдсэн.

Харин өнөөдөр тэдгээр багш нарын төлөөлөл болох 300 гаруй багш, сурган хүмүүжүүлэгч МҮЭ-ийн Соёлын төв ордонд 14.00 цагт Сангийн сайд С.Баярцогт, Нийгмийн хамгаалал, хөдөлмөрийн сайд Т.Ганди болон Боловсрол, соёл, шинжлэх ухааны сайд Ё.Отгонбаяр нартай уулзалт хийхээр болжээ.