Дэлхий нийтэд хаалттай гэгддэг Умард Солонгосын удирдагч Ким Ир Сенийн хүү хэн бэ гэдгийг монголчууд мэддэг атлаа Монгол Улсын Ерөнхийлөгч асан Н.Энхбаяр хэдэн хүүхэдтэй, том хүү хаана сурч, төгссөн, ямар боловсролтой гэдгийг бид мэддэггүй юм байна. “Ремиф” компанийн захирал Э.Батшугар хэмээх нэр зарим хэвлэлийн хуудаснаа гараад буйг эс тооцвол энэ талын мэдээлэл ер нь ховор аж. Н.Энхбаярын үр хүүхдүүдийн тухай мэдээлэл тэгэхээр монголчуудын хувьд хэр их хаалттай, бас ямар хэмжээнд нууцлагдаж байсныг гэрчилж буй юм.2005 оны Ерөнхийлөгчийн сонгуульд ялсных нь дараа Н.Энхбаярыг олон нийт дөрвөн хүүхэдтэй гэдгийг нь “TV9” телевизээр мэдэж авсан. Э.Батшугар харин тухайн үед телевизийн дуранд өртөөгүй гэнэ. Дээрх сонгуулийн өмнөх сурталчилгааны хэвлэлд түүний том хүүгээс багахан хэмжээний ярилцлага авч нийтэлж байжээ. Үүнээс өөрөөр хэвлэлд Э.Батшугартай холбоотой мэдээлэл гарч байгаагүй бололтой. Интернетээр мэдээлэл хайх явцад Facebook рүү орж Э.Батшугарын дээрх зургийг татаж авсан юм. Н.Энхбаярын том хүүгийн нэрийг лам өгчээ. Ирээдүйн Ерөнхийлөгчийг Монголын зохиолчдын эвлэлийн хороонд ажиллаж байхад нь Э.Батшугар мэндэлж түүнийг аав болгожээ. Э.Батшугар 1987 онд төрсөн байна. Тэрбээр гадаадад боловсрол эзэмшиж, АНУ-ын Бентлигийн их сургуульд хуулийн чиглэлээр магистрийн зэрэг хамгаалсан аж. 2005 оны Ерөнхийлөгчийн сонгуулиар аавдаа туслах гэж гадаадаас ирж байсан гэнэ. Тэр Э.Бямбадулам, Э.Дашнамжил, Э.Ринченлхам гэдэг гурван дүүтэй. Э.Батшугар одоо АНУ, Монгол хоёрын хооронд ирэн очин байдаг гэнэ. “Ремиф” компанийн захирал гэж явдаг бөгөөд энэ компани нь бизнес санхүүгийн чиглэлээр Сүхбаатар дүүргийн наймдугаар хорооны нутаг дэвсгэрт үйл ажиллагаа явуулдаг аж. Тэрбээр сүүлийн үед уул уурхайн салбарыг сонирхох болсон гэнэ. Мөн багадаа аавтайгаа хамт уулын спортоор хичээллэдэг бөгөөд шатар яггүй сайн тоглодог хэмээн эх сурвалж мэдээлсэн юм.

    Дэлхий нийтэд хаалттай гэгддэг Камбожийн удирдагч Пол Потын хүү хэн бэ гэдгийг монголчууд бид мэддэг атлаа Монгол Улсын Ерөнхийлөгч Ц.Элбэгдорж хэдэн хүүхэдтэй, том хүү нь хаана сурч төгссөн, ямар боловсролтой гэдгийг мэддэггүй.Ерөнхийдөө энэ талын мэдээлэл ховор, бараг байдаггүй аж. Ц.Элбэгдоржийн үр хүүхдүүдийн тухай мэдээлэл тэгэхээр монголчуудын хувьд хэр их хаадтай, бас ямар хэмжээнд нууцлагдаж байгааг гэрчилж буй юм.2009 оны Ерөнхийлөгчийн сонгуульд ялсных нь дараа Ц.Элбэгдоржийг таван хүүхэдтэй гэдгийг мэдэж авсан. Харин том хүү Э.Оргил нь тэр үеэр телевизийн дуран, сонины гэрэл зурагчдын хараанд өртөөгүй гэнэ. Дээрх сонгуулийн өмнөх сурталчилгаанд зориулан, бас өнгөрсөн жилийн наадмаар “Соронз” гэдэг сэтгүүлд Ц.Элбэгдоржийн гэр бүлийн зураг нийтлэгдэхэд л Э.Оргилын төрхийг олон нийт харсан гэж болохоор.

Үүнээс өөрөөр хэвлэлд Э.Оргилтой холбоотой мэдээлэл гарч байгаагүй бололтой. Интернетээр мэдээлэл хайх явцад facebook  рүү орж, Э.Оргилын дээрх зургийг татаж авсан юм.

Ирээдүйн Ерөнхийлөгчийг Львовт оюутан байхад нь Э.Оргил мэндэлж, түүнийг аав болгожээ. Э.Оргил 1986 онд Львовт төрсөн байна. Тэрбээр гадаадад боловсрол эзэмшиж, АНУ-ын Виржиниагийн их сургуулийн докторантурт суралцаж төгсчээ.

Өнгөрсөн жил АНУ-аас ирсэн гэнэ. Тэр Э.Эрдэнэ, Э.Цэрэндорж, Э.Цэнд, Э.Анужин гэдэг дөрвөн дүүтэй. Оргилын дараагийн хүү нь болох Э.Эрдэнэ АНУ-ын Drexel University-д биологийн чиглэлээр суралцаж төгссөн. Одоо Монголдоо амьдардаг гэнэ. Удаахь хоёр хүү болох Э.Цэрэндорж 12, Э.Цэнд 10 настай гэнэ. Ц.Элбэгдоржийн өргөмөл ганц охин Э.Анужин өнгөрсөн хавар 11 дүгээр ангиа төгсч, оюутан болсон гэнэ. Том хүү Э.Оргил нь одоо Монголд амьдарч буй бөгөөд чухам ажил эрхэлж буй нь тодорхой бус. Энэ талын мэдээлэл бараг үгүй гэхэд болох ажээ.