Дэлхийн хэмжээний үйлдвэр “Эрдэнэт үйлдвэр” ХХК-ийн хувьд техник технологийн шинэчлэл чухал. Тус үйлдвэр жилд 26 сая тонн хүдэр боловсруулж, зэс, молибдений баяжмалыг дэлхийн зах зээлд нийлүүлдэг. “Эрдэнэт” үйлдвэрийн Баяжуулах фабрикийн Өөрөө нунтаглах хэсгийн өргөтгөлийг ашиглалтанд хүлээн авснаар 6 сая тонноор хүдэр боловсруулалтаа нэмэгдүүлэх юм. Тус үйлдвэрийн Ерөнхий захирал Ц.Даваацэрэн, Үйлдвэрлэл эрхэлсэн орлогч захирал Д.Даваасамбуу нарын удирдлагууд техникийн өргөтгөл шинэчлэлийн ажилтай танилцаж, холбогдох үүрэг өгч ажиллалаа. “Эрдэнэт” үйлдвэрт техник технологийн шинэчлэл хийгдсэнээр тус үйлдвэрийн хамт олны улс орны эдийн засагт оруулах хувь хэмжээ ч нэмэгдэнэ. Баяжуулах фабрикийн өргөтгөлийг ирэх оны 5-р сард ашиглалтанд хүлээн авах юм байна.