Өмнөд Солонгосын Гадаад хэргийн яамнаас жил бүр уламжлал болгон зохин байгуулдаг “K-Pop world festival” наадамд Монгол залуу амжилттай оролцжээ. Эх орноо төлөөлөн оролцсон 18 настай Б.Очирбат гуравдугаар байрт шалгаран “Best Performance” шагнал хүртсэн байна.  Тэрбээр Монголд болсон анхан шатны уралдаанаас Гран-при шагнал авч бичлэгээ БНСУ-ын “KBS” телевизэд явуулсан байна. Улмаар түүний бичлэг 70 орны оролцогчдоос шалгарч шилдэг 15-ын нэгээр тодорчээ. Түүний дараа Б.Очирбат Чангвон хотод уригдан шилдгүүдийн шилдэг болохоор тэмцээнээ үргэлжлүүлсэн бөгөөд 40000 үзэгчдийн өмнө эх орноо төлөөлөн ая дуугаа өргөжээ.

Эх сурвалж: Шуурхай.мн