Уран сайхан барилдаанаараа Монгол түмнээ баясгаж явсан Дархан аварга А.Сүхбат зодог тайлаад  нэлээдгүй хугацааг үдсэн. Гэсэн ч  Үндэсний их баяр наадмын тухай хуульд өөрчлөлт оруулсантай холбогдуулан дархан аварга цолоор энгэрээ мялаасан А.Сүхбат аварга энэ жилийн үндэсний их баяр наадмаар зодоглосон билээ.

Зүлэг ногоон дэвжээнээ олон түмнээ баясгаж явсан Дархан аварга А.Сүхбат бөх сонирхогчдын дун нэр хүндтэй ч түүний хувийн амьдрал ээдрээтэй. Олон эмэгтэйчүүдтэй нэр холбогдож “хүүхэмсэг” эр хэмээн хочлуулах болсон тэрээр өөрөөсөө 21 насаар дүү Н.Гарамханд хэмээх бүсгүйтэй дэр нэгтгээд удаж буй. Олон эхнэрийн нүүрийг үзсэн А.Сүхбат аварга өнгөрсөн амралтын өдөр Увс аймгийн Ховд сумын харьяат “Увснуур” дэвжээ, ТЭЦ-3, “Химон” констракшны бөх улсын харцага Намсрайжавын Батсуурь ес даван түрүүлж, улсын арслан цол хүртсэн бөгөөд түүний шинэ цолны найранд уригджээ.

Харин Дархан аварга А.Сүхбат хуучин эхнэр Баясаагаа дагуулан ирж, олны анхаарлыг татаад авчээ. А.Сүхбатын одоогийн гэргий нь Н.Гарамханд энэ бүхнийг хүлээн зөвшөөрөв үү эсвэл тэд салж аварга маань өмнөх эхнэр Баясаатайгаа нийлэв үү гэсэн бодол найранд ирсэн хүнд төрөв. Олны танил хүн учир А.Сүхбат аваргад энд тэндэхийн урилга их ирдэг нь дамжиггүй. Тэр бүрт нь А.Сүхбат аварга олон эхнэрүүдээ ээлж ээлжээр нь дагуулж явдаг бололтой. Эсвэл манай улсад олон эхнэртэй байх хууль батлагдаагүй ч эрх мэдэл, мөнгөтэй эрхэмүүд олон хоёр ба түүнээс дээш эхнэртэй байж болдог болжээ.

Эх сурвалж: Шуурхай.мн