Н.Энхбаярын захиалгаар надад хэрэг тохсон. Д.Дорлигжавд хандсан. Хариуцлага тооцохгүй байгаа. Тэгэхээр прокурорын байгууллага одоо ч хууль завхруулдаг хэвээрээ л юм байна.

Эх сурвалж: http://news.zindaa.mn/3ak

С.Отгонбаяраас дараах зүйлийг тодрууллаа.

-Энэ хүмүүс яагаад танд хэрэг тохох болсон юм бол?

-“Хадгаламж” банкнаас мөнгө завшсан хэрэгт холбогдуулж шалгахаар УИХын гурван гишүүний бүрэн эрхийг түдгэлзүүлэх асуудлыг 2007 оны арванхоёрдугаар сарын 29-ний өдрийн чуулганаар хэлэлцсэн. Тэр үед би “М.Алтанхуяг прокурор оо, тэр гурван гишүүн гэмт хэрэг үйлдсэн нь тогтоогдсон юм уу” гэж асууж, байр сууриа тов тодорхой илэрхийлсэн. Үүний төлөө намайг занасан байсан. Өөр бас бизнесийн холбоотой юм бий.

-Та М.Алтанхуягийг төрийн тэргүүн байсан хүний захиалгаар таныг ялласан гэж хэлсэн. Захиалагчийн нэрийг шууд хэлчихгүй юм уу?

-Захиалагч нь Н.Энхбаяр. Ц.Нямдоржийг огцруулах асуудлыг сөхөхөд би хамгаалсан. УИХ-ын чуулган дээр гурван гишүүнийг хэн хамгаалах нь вэ гэдгийг хараад сууж байсан юм билээ. М.Алтанхуягтай би уулзсан. Тэгэхэд “Ажил, амьдралаа бодсон юм, уучлаарай. Би чамайг тийм байдалд оруулсандаа сэтгэлдээ хүнд шархтай явж байсан” гэж хэлсэн. Баримт нь надад бий.

-Чуулганы үеэр хэн нэгнийг хамгаалсны төлөө таныг ялламааргүй юм даа. Н.Энхбаяртай өөр асуудалтай байсан юм биш биз?

-Хувийн өс бас байсан юм байна лээ. 2004 оны сонгуулийн үеэр миний нэр дэвшсэн тойрогт Засгийн газрынхан Н.Энхбаярыг дагуулж ирсэн юм. Тэр үед би түүнийг үг хэлэх боломжгүй байдалд оруулсан. Н.Энхбаярыг хүчтэй байхад нь дуугарч чадаагүй байж, одоо юм ярилаа гэж бүү бодоорой. Үнэн мөнийг олох гэж би удаан хөөцөлдсөн. Тэгсээр яваад одоо мэдэж байна.

-Та Ганцхудагт байхдаа хүнд өвчтэй болсон гэж байна. Таны элэг өвчтэй байгаад Ганцхудагт орсны дараа хүндэрсэн гэж тухайн үед ойлгож байсан.

-Өмнө нь миний элэг эрүүл байсан. Ганцхудагт орсноос хойш маш хүчтэй өөрчлөлт илэрсэн. Миний амь насанд зориуд зохион байгуулалттай халдсан гэж би үзэж байгаа. Одоо ч эмчилгээ дуусаагүй. БНСУ-ын “Асан” эмнэлэгт шинжилгээ хийлгэхэд гаднын нөлөөнөөс болж элэг хордсон гэсэн хариу гарсан (бичиг үзүүлэв). Манай хууль хяналтын байгууллага ийм хууль бус сүлжээнд автчихсан юм байна.

Тухайн үед төрийн өндөр албан тушаалтан байсан намайг ингэж хэлмэгдүүлж чадсан юм чинь бусдыг нь бол яаж ч мэднэ. Хуулийг буруу ашигладаг прокурортоо хариуцлага тооцооч гэж би улсын ерөнхий прокурор Д.Дорлигжавд хандсан. Хариуцлага тооцохгүй байгаа. Тэгэхээр прокурорын байгууллага одоо ч хууль завхруулдаг хэвээрээ л юм байна.

Эх сурвалж “Өнөөдөр” сонин

Н.Энхбаяр, АТГ, Шүүх, Прокурорынхон С.Отгонбаярыг зохиомол хэрэгт золиослох зорилт тавьсан гэж үү?

Эх сурвалж: http://mongol.undesten.mn/wiki/show/name/%D0%9E%D1%82%D0%B3%D0%BE%D0%BD%D0%B1%D0%B0%D1%8F%D1%80+%D0%A1%D0%B0%D0%B9%D0%BD%D0%B1%D1%83%D1%8F%D0%BD%D0%B3%D0%B8%D0%B9%D0%BD

С.Отгонбаярын захиалгаар хийж, интернэтэд тавигдсан “Дуулиант хилс хэргийн мөрөөр

http://mongol.undesten.mn/wiki/show/name/%D0%9E%D1%82%D0%B3%D0%BE%D0%BD%D0%B1%D0%B0%D1%8F%D1%80+%D0%A1%D0%B0%D0%B9%D0%BD%D0%B1%D1%83%D1%8F%D0%BD%D0%B3%D0%B8%D0%B9%D0%BD

”С.Отгонбаяр нэг үе Онцгой байдлын асуудал эрхэлсэн сайдаар ажиллаж байхдаа улсад их хэмжээний хохирол учруулсан хэргээр аавын хаалга татсан. Энэ тухай С.Отгонбаярын захиалгаар хийж, интернэтэд тавигдсан “Дуулиант хилс хэргийн мөрөөр” гэсэн хоёр ангит кинонд тэрбээр хийсэн хэргийнхээ талаар тодорхой өгүүлсэн байгаа. Уг кинонд хүү О.Тэнүүнийхээ машиныг Онцгой байдлын газарт 49 сая төгрөгөөр шахсаныгаа цайруулах гэж баримт дэлгэсэн нь өөрийг нь барьж өгсөн. Уг машиныг Д.Намба гэдэг хүнээс худалдаж авсан гэж баримт дэлгэсэн нь Багануурын дулааны станцыг хувьчилж авсан “МААТ”-ын итгэмжлэгдсэн төлөөлөгч Д.Намба бөгөөд өдгөө дархан цаазат Богд уулын бүс дэх Зайсан толгойн арыг ухаж, соёл амралтын төв байгуулахаар лус савдаг хилэгнүүлж буй “Оюуны ундраа”-гийн охин компани “Софт трейд”-ийн захирал Д.Намба юм.

Эх сурвалж: http://tsag.mn/3229-tas1.html

САЙД АСАН С.ОТГОНБАЯРЫГ ЦАГААТГААГҮЙ ГЭВ

Онцгой байдлын асуудал эрхэлсэн сайд асан С.Отгонбаяртай холбоотой асуудал сүүлийн хэдэн өдөр хэвлэлийн хуудаснаас салсангүй. Түүний өмгөөлөгч С.Ганчимэг хэвлэлийн хурал хийлгэж янз бүрийн мэдэгдэл хийх болсон.

Монголын шүүгчдийн холбооноос “С.Отгонбаярт холбогдох хэргийг хянаж, хэргийнх нь талаар нэмж шалгах шаардлагатай гэж үзэж нэмэлт мөрдөн байцаалтад буцааснаас биш, хэргийг хэрэгсэхгүй болгож, түүнийг цагаатгаагүй” гэсэн утгатай хариу мэдэгдэл гаргасан юм. С.Отгонбаярт холбогдох хэргийг дахин шалгаж байх үед Өршөөл үзүүлэх тухай хууль батлагдаж Нийслэлийн прокурорын газарт С.Отгонбаярын өмгөөлөгч Ц.Монгол 2009 оны наймдугаар сарын 24-нд 08/24 тоот албан бичигтээ “Гэм буруугийн талаар маргахгүй.

Иймд С.Отгонбаярт холбогдох, Эрүүгийн хуулийн 263 дугаар зүйлд заасан албан тушаалаа урвуулан ашигласан гэх хэргийг Өршөөл үзүүлэх тухай хуулийн дагуу хэрэгсэхгүй болгож, харин 150 дугаар зүйлд заасан эд хөрөнгө завшсан гэж зүйлчилсэн хэргийг гэмт хэргийн бүрэлдэхүүнгүй гэсэн үндэслэлээр тус тус хэрэгсэхгүй болгуулах” санал гаргажээ. Энэ хүсэлтийг нь үндэслэн НПГ-аас Өршөөл үзүүлэх тухай хуульд зааснаар хэргийг хэрэгсэхгүй болгосон юм билээ.

Гэтэл өмгөөлөгч С.Ганчимэг хэвлэлийн хурал хийлгэж шүүх, прокурорын байгууллагын хуулийн хүрээнд гаргасан шийдвэрүүдийг гуйвуулж тайлбарлан, олон нийтийг төөрөгдүүлэн хуульчийн ёс зүйгээ ноцтой зөрчиж, баримт нотолгоогүйгээр шүүгч, шүүхийн нэр төрд бүдүүлгээр халдсан гэж дээрх холбооныхон үзэж байгаа юм.

http://mongolnews.mn/%D0%90%D1%80%D1%85%D0%B8%D0%B2/1oi

Эх сурвалж: Newsday.mn