Азербайжаны Габала хотод болж буй буудлага спортын Дэлхийн цомын шигшээ тэмцээн амжилттай үргэлжилж байна. Спорт гар бууны 25 м-ийн дасгалд Монгол Улсын Хөдөлмөрийн баатар, Гавьяат тамирчин Отрядын Гүндэгмаа мөнгөн медаль хүртлээ. Дэлхийн шилдэг 11 тамирчин медалийн төлөө өрсөлдсөнөөс О.Гүндэгмаа 583 оноогоор гуравдугаар байраар финалд шалгарчээ, Ингээд аваргын төлөө өрсөлдсөн бөгөөд Германы Моника Каршич түрүүлж, О.Гүндэгмаа мөнгө, БНХАУ-ын Жиан Жин Зинь хүрэл медаль хүртлээ.