Өмнөд Солонгосын Инчён хотноо Азийн пара спортын наадам амжилттай үргэлжилж байна. Уг наадамд оролцож буй манай тамирчид нэг мөнгө, хоёр хүрэл медаль хүртээд байсан юм. Тэгвэл өнөөдөр Азийн пара наадмын анхны алтан медалийг хүртлээ. Жүдо бөхийн эмэгтэйчүүдийн -78 кг-ын жинд зодоглосон Н.Алтанцэцэг өнөөдөр учраа таарсан бүхнээ сөхрүүлсээр түрүүлж аваргын тавцанд гишгих эрхтэй боллоо. Манай тамирчин алтан медалийн төлөө Тайландын бөх Н.Метхаведег цэвэр ялж, алтан медаль хүртсэн юм.