Дэлхий дахинд аюул занал хийгээд байгаа “Эбола” аймшигт тахал өвчин газар авсаар олон хүний амийг авч одоод байгаа. Энэхүү аюулын харанга дэгдээгээд байгаа өвчиний эсрэг эм тариа өнөөг хэр нь гараагүй байгаа. Тэгвэл ВВС агентлаг мэдээллэж байгаагаар “Эбола” вирусын эсрэг вакциныг Канад улсад үйлдвэрлэсэн гэнэ. Уг тариагаар амьтдыг бүрэн хамгаалах боломжтой аж. Гэхдээ хүнд аюулгүй, үр дүнгээ өгөх эсэх нь тодорхойгүй байгаа бөгөөд өнгөрсөн долоо хоногоос эхлэн АНУ-д туршиж эхэлсэн аж.
Гэхдээ энэ вакцин нь “Эбола”-гийн тархалтыг зогсоох “чухал хэрэгсэл” болох боломжтой гэж Канадын Олон нийтийн эрүүл мэндийг хамгаалах газраас мэдэгдээд байгаа юм. Харин ДЭМБ-аас “Энэ оны арван хоёрдугаар сар гэхэд нэг долоо хоногт 10 мянган хүнд энэ вирус халдварлаж болзошгүй байна. Гэвч Эболаг дарах баталгаатай вакцин хараахан гараагүй байгаа ч туршилтын олон тооны эм, тариа ар араасаа гарсаар байгаа” гэжээ.

Шуурхай.мн