“Миний алдаа бүхэн минийх, амжилт бүхэн О.Цолмонгийнх минь байсан” хэмээн нэгэн цагт Тэргүүн хатагтай явсан ханиараа бахархан ярьж байсан Монгол Улсын гурав дахь Ерөнхийлөгч, МАХН-ын дарга Н.Энхбаяр эдүгээ хэнтэй ярих, харилцахаа хүртэл гэргийгээрээ “заалган” суух болсон аж. Түүнийг эх орондоо гэнэтхэн ирснийг мэдсэн улс төрийн “холбоотнууд” нь Н.Энхбаяр гэдэг хүн Монголын улс төрд байсныг гэнэт санасан мэт эрүүл мэндийнх нь талаар асуух, ядаж л яагаад эргэж очоогүй холбоо тасарсан тухайгаа тайлбарлахаар тал засах гэж оролдох авч чухамдаа “экс даргатайгаа” шууд холбогдож чадахгүй байгаа гэнэ.

Одоо тэд 9910….дугаартай утсаар гэргийтэй нь холбогдож байж ядвал үгээ дайж чадвал Н.Энхбаяртай ярьдаг болсон юм байх. Ингээд жинхэнэ утгаараа хатагтай О.Цолмон дахин улс төрд чухал нэгэн фигур болоод байна. О.Цолмон улстөрчдийн хэн нь хэн бэ гэдгийг сайн мэдэх төдийгүй хэвлэлийнхэнтэй харилцахдаа ч өөрийн “маневр” тактиктай нэгэн.

Тиймээс ч хамт амьдарсан 28 жилээсээ нэгийг нь БНСУ-д ханиа эмчлүүлэн өнгөрүүлээдирмэгцээ “АТГ, тагнуулын байгуулынхан танай гэр бүлийг Сөүлд байхад тагнаж чагнаж байсан гэдэг үнэн болов уу” гэсэн сэтгүүлчийн асуултад “Мэдэхгүй, үүнийг шалгаж үзээгүй болохоор хэлж мэдэхгүй байна” хэмээн “томров”. Тэгэхээр Тагнуулын газрын зөвлөхөөр ажиллаж дарга нарт нь лүндэн буулгаж явсан хатагтай О.Цолмон Тагнуулын газар, АТГ-ынхны ажлыг “шалгадаг” чадамжтай хэвээрээ байгаа ч байж мэдэх юм. Ямартай ч тэрбээр одоо өөрөө том байхаар” шийдсэн бололтой.

Zaluu.com С.Чулуун