Арабын нэгдсэн Эмират улсын Ал Аин хотноо Оюутны дэлхийн аварга шалгаруулах буудлагын V тэмцээн үргэлжилж явагдаж байна. Тус тэмцээний эмэгтэйчүүдийн 25 метрийн спорт гар бууны дасгалд Олон улсын хэмжээний мастер Т.Баярцэцэг цэц мэргэнээ сорьж мөнгөн медаль хүртлээ.
Мөн өчигдөр болсон эмэгтэйчүүдийн хийн урт бууны дасгал, эрэгтэйчүүдийн 50 метрийн гар бууны дасгалд манай тамирчид тус тус дөрөвдүгээр байрт шалгарсан амжилт үзүүлжээ. Уг тэмцээнд манай эрэгтэй, эмэгтэй есөн тамирчин оролцож 28 орны шилдэг тамирчидтай цэц мэргэнээ сорьж байна.