ОХУ-ын Уралын тойргийн Сургут хотноо болж өндөрлөсөн олн улсын тэмцээнээс манай боксчид хоёр хүрэл медаль хүртэв. 52 кг-ийн жинд тоглосон манай П.Сэрдамба мөнгөн медалийн төлөө тоглолтод Азербайжаны Жавид Чалабаевт 12:9-өөр хожигдон хүрэл медаль дээр буужээ. Дэлхийн аварга, Олимпийн медальтай манай тамирчны хувьд Азербайжаны боксчин нь үнэндээ хэн ч мэдэхгүй хүүхэд байлаа. Мөн 49 кг-ын жинд Г.Ган-Эрдэнэ мөнгөн медалийн төлөө Оросын тамирчинтай тоглон ялагджээ. 14 орны эмэгтэй, эрэгтэй 170 боксчин оролцсон энэ тэмцээний 10 жингийн наймд ОХУ, хоёрт нь Азербайжаны тамирчид аваргалсан байна.