УИХ-ын гишүүн, Ерөнхий сайд асан С.Баяр хэзээнээсээ хээнцэр дэгжнээрээ, бас олны анхаарал татсан авираараа бусдаасаа ялгардаг. Түүнийг ямагт ямар нэг содон имиж дагалддаг гэж хэлж болно. 1990-ээд оны дундуур МАХН-ын гол лидер С.Баяр тухайн үеийн МҮАН-ын онол, номтой улстөрчдийн нэг, дипломатч Б.Хашбатын охин, УИХ-ын гишүүн Х.Хулантай гэр бүл болж, дэгжин хос  Төрийн ордны коридороор хөтлөлцөн алхаж, олны нүдийг орой дээр нь гаргаж байлаа. Хэзээний хээнцэр, дэгжин С.Баяр дарга энэ сарын 26-нд МАН-ын Тусгаар тогтнолын ордон нээлтээ хийхэд саравчтай улаан малгай духлуулж, бор шаргал пальто өмсөн ирсэн нь дан хар бараан хувцастай бусдаасаа онцгойрон ялгарч байв. Дөчин мянгатын унаган хүүхэд, элит гаралтай С.Баяр хаана ч бусдаасаа өөр харагдах юм даа.