“Инчён 2014” Азийн зуны спортын XVII наадамд манай улсын баг тамирчид амжилттай оролцож эрэгтэй сагсан бөмбөгийн баг шилдэг наймд шалгарсан билээ. Инчён хотод долоо дахь өдрөө үргэлжилж байгаа энэ өдөр сагсан бөмбөгийн эрэгтэйчүүдийн гуравдугаар тойргийн тоглолт эхэллээ. Монгол улсаа төлөөлөн оролцож байгаа манай баг тамирчдийн талаар олон улсын сайтууд бичиж эхэлсэн бөгөөд Т.Санчирыг Bleacher Report сайт онцолжээ. Тэрээр Жозеф Закер сэтгүүлчийн өнөөдөр бичсэн нийтлэлийг хүргэжбайна.

“Анхаарлын төвд байгаа тоглогчид

Тунгалагийн Санчир, Монгол

Т.Санчир нь 21.4 оноог дунджилж байгаа ба шилдэг оноо түүгчдийн нэг юм. Тэмцээний турш тэр хамгийн тэсрэлттэй довтлогчдын нэг байсаар ирлээ. Түүний багтаа оруулах хувь нэмэр зөвхөн оноо байсангүй. ТСанчир 7.6 самбараас бөмбөг авалт дунджилдагаараа 5-р байранд бичигдэж байгаа юм.

Азийн сагсан бөмбөгийн блогчин Ник Бедард 25 настай энэ залууг өөрийн Бүх Азийн багтаа сонгосон байна:

‘Ник Бедардын жиргээ: Монголын Т.Санчир албан ёсоор миний Бүх Азийн багт орлоо. 25 настай энэ залуу сагсыг үнэхээр тоглож чаддаг юм байна.’

Тоглогчдыг үнэлэхэд дутуу ойлгогддог нэг зүйл бол тухайн тоглогч хэр ойр ойрхон алдааг авч чадаж байгаа явдал юм. Энэ нь ерөнхийдөө тухайн тоглогчийг өрсөлдөгчид нь ямар аюултай гэдгийг ойлгож байгааг илтгэдэг. Таван тоглолтод Санчир өрсөлдөгчдөөсөө нүд бүлтийлгэм 34 алдааг авч чаджээ. Энэ нь нэг тоглолтонд 6.8 алдаа гэсэн үг юм. Түүний араас бичигдэж байгаа тоглогч 5.7 алдааг дунджилж байгаа юм.

Монголын багийн амжилт Т.Санчирын тоглолтоос ихээхэн хамаарах нь ойлгомжтой. Хэрэв тэр муу тогловол, баг тэр чигээрээ муу тоглоно” хэмээжээ. Ямартай ч Монголынхоо нэрийг таниулж яваа сагсан бөмбөгийн баг тамирчиддаа амжилт хүсье.

Эх сурвалж: Шуурхай.мн