Эсэн мэнд байсан бол “баатар, төрийн шагнал” гээд хамаг эрхэм цолыг хүртэх байсан Ардын жүжигчин

Л.Жамсранжавыг таван хүүхдийг нь төрүүлсэн авааль эхнэрээ орхиж залуухан жүжигчинтэй суусныг хүмүүс ойлгодоггүй. Ганц дүгнэлт нь хайр дурлал. Тэгэхдээ оройтсон хайр гэцгээдэг юм. Үнэн байдал дээр бол В.Шекспирийн “Гамлет” жүжигт тоглож тэр дүрдээ орсноос байх магадлалтай.

Яагаад гэхээр Гамлетад тоглосны дараа Жамсранжав гуай мансуурсан мэт хэнтэй ч дуугарахгүй, ганцаараа суудаг, гэртээ хариад хоол ч идэхгүй, хүүхдүүдээсээ хүртэл зугтаагаад ихэд ганцаарддаг байсан гэдэг юм. Түүний хувьд Гамлет болон түүний хайртай бүсгүй Офелия үргэлж толгойд нь шингэсэн учир өөрийнхөө шинэ Офелияг хүссэнтэй нь эхнэрээсээ салах шалтгаан холбогдож мэднэ. Шинэхэн гавьяат Аглуу хоёр хүүхдийнхээ эхээс салж Дашхүү агсаны хүүгээс эхнэрийг нь салгаж суухдаа бас өөрийнхөө Офелияг хүсэмжилсэнтэй холбоотой гэж нэгэн нэртэй жүжигчин ярьсан нь үүнийг басхүү нотлоод байгаа юм. Өөрийнхөө Офелияг олно гэдэг эрчүүдийн эрлийн нэг шинж бололтой.
М.Шүхэрт

wikimon.мн