Нийслэлийн таван байршилд иргэдэд үнэгүй газар өмчлүүлэх цахим сонгон шалгаруулалт болж, 14 мянган хүн газар өмчлөх эрхтэй болсон. Гэвч газар авах эрхтэй болсон зарим иргэд заасан хугацаанд бүртгүүлж амжаагүй байна. Тиймээс хоцорсон иргэдийг өнөөдрөөс 9-р сарын 12-ны өдөр хүртэл бүртгэж эхэллээ. Иргэд энэ хугацаанаас дахин хоцорвол газар өмчлөх эрх нь хүчингүй болох юм байна. Нийслэлийн өмчийн харилцааны газраас нийт 52 байршилд газар олгохоор төлөвлөөд байгаа бөгөөд дараагийн ээлжийн цахим сонгон шалгаруулалт 2015 онд эхлүүлэхээр төлөвлөжээ.