Монголын шилдэг жүжигчид төрөн гардаг УЭДТ-аас залуу жүжигчид болох МУСТА Т.Хулан, Д.Ганцэцэг нар гарсанталаар бид мэдээлсэнбилээ. Тус театрын залуу үеийн төлөөлөл болон гялалзаж яваа жүжигчин Т.Хулан тайз, дэлгэцийн олон сайхан уран бүтээлд дүр бүтээж, үзэгчдийн хайртай жүжигчин болсон.

Улсын драмын эрдмийн театрт сүүлийн үед Монголын сор болсон авьяаслаг жүжигчид тогтохоо байжээ. Өнгөрсөн жил гэхэд тус театрын нүүр царай болж байсан жүжигчин У.Уранчимэг, Д.Ганцэцэг А.Ганчимэг нар гарч шинэ продакшн байгуулсан. Тэгвэл энэ удаад Т.Хулан, Д.Ганцэцэг нар ийн театраа орхиод байгаа юм. Харин МУСТА Т.Хулан театрын хамт олноосоо хүлцэл өчиж байгаагаа өөрийн цахим хуудастаа бичжээ. Тэрээр “2006 онд УДЭТ-ыг хүсэн, хүлээж байж босгыг нь давж, сайхан хамт олонтой болж, сурч суралцаж явсаар найман жилийг ардаа орхижээ.  Драмын театраасаа чөлөөлөгдөх, хамт олноосоо сална гэдэг хүнд шийдвэр байсан. Та бүхнээсээ, театрынхнаасаа том хүлцэл өчье” гэжээ.

Эх сурвалж: Шуурхай.мн