УИХ-ын гишүүн М.Зоригт, “Хувьсал” продакшны залуу жүжигчин СТА А.Ганчимэгтэй хамт авахуулсан “халуухан пооз”-той зураг цахим ертөнцөөр нэлээд шуугиан тариад авсан.

Фэйсбүүк, твиттерээ идэвхитэй хөтөлдөг улстөрчдийн нэг тэрээр өөрийн цахим хуудастаа жүжигчин бүсгүйтэй авахуулсан зургаа “дэлгүүр орох зуур таарсан бүсгүй″ хэмээн тайлбар бичиж оруулсан. Харин энэхүү зурагны доор түүнийг найзууд нь “гар чинь хаана аялаад байна аа, залуу хосууд шиг л гарч, нууц амраг судлаач УИХ-ын гишүүн О.Баасанхүүд баригдваа” хэмээн хошин сэтгэгдлүүд үлдээж “Сайн ах” болов доо хэмээн хошигносон удаатай. Тэдний энэхүү халуухан зогсолтоор авахуулсан “пооз” олныг нэлээд хөгжөөгөөд авсан.Харин энэ бүхний дараа эрхэм гишүүн М.Зоригт жүжигчин А.Ганчимэгээс уучлалт гуйжээ.

Тэрээр “Сүхбаатарчууд төдийгүй монголчууд үзэх дуртай “Наран мандах нутаг” киног амилуулж олноо баясгасан дүү Ганчимэгтээ баярлаж явдаг шүү.Ганчимэг авъяаслаг уран бүтээлч. Дүү бүсгүйтэй таарч зураг даруулсан биш нэлээд дуулиан болж. Дүүгээс хүлцэл өчье” хэмээсэн юм.

Эх сурвалж: Шуурхай.мн