БСШУЯ-аас ерөнхий боловсролын сурагчдын дүрэмт хувцасны загварыг “Эх орон шингэсэн эрдмийн дүрэмт хувцас” нэртэйгээр өнгөрсөн оны хичээлийн жилийн өмнөхөн батлан гаргаж мөрдөж эхэлсэн. Тус загвар нь бага, дунд, ахлах ангийн гэсэн гурван төрлөөр охид хөвгүүдийн гэсэн ангилалтайгаар үндэсний үйлдвэрүүдэд үлйдвэрлэгдн, зах зээлд нийлүүлэгдэж байсан ч 2014 оны эхээр БСШУЯ-ны шийдвэрээр эх орондоо үйлдвэрлэж байгаа шинэ загварын дүрэмт хувцасны борлуулалтыг зогсоосон билээ.

Тэгвэл 2014-2015 оны шинэ хичээлийн жил эхлэх гэж байгаатай уялдан сурагчийн дүрэмт хувцасны асуудал дахин исөхөгдөж эхэллээ. Үүнтэй холбоотойгоор ҮХААЯ-ны Хөнгөн үйлдвэрийн бодлогын хэрэгжилтийг зохицуулах газрын дарга Ц.Баярмаа “Өдрийн сонин”-д өгсөн ярилцлагандаа “Энэ жил нийт захиалгын дүрэмт хувцаснуудаа 100 хувь оёчихсон. Бэлэн оёчихсон хувцсаа сурнуулиудад түгээх ажил үлдээд байна” гэжээ. Мөн “Хятад улс дэлхийн брэндүүдийг дууриалгаж хийдгээрээ алдартай. Манай дүрэмт хувцсын дууриалгаж оёод зарж байна. Иймээс эцэг эхчүүдэд анхааруулж хэлэхэд яг үйлдвэрээс нь аваарай” хэмээн анхааруулсан байна.

Монгол хонины ноосоор үйлдвэрлэсэн дүрэмт хувцасны үнэ нэмэгдэхгүй бөгөөд энэ сарын 20-ноос дүүрэг бүрт хоёр сургууль сонгон худалдах бол энэ сарын 15-30-нд Чингисийн болон Барилгачдын талбай, “Аса” циркт зохион байгуулах хичээлийн шинэ жилд зориулсан үзэсгэлэнгийн үеэр бас борлуулах юм.