Хорват улсын Загреб хотноо зохион байгуулагдсан 2014 оны чөлөөт бөхийн залуучуудын ДАШТ дөрвөн өдөр үргэлжилж, өчигдөр дүнгээ гаргалаа.
Тус тэмцээнд оролцсон манай улсын эмэгтэй баг тамирчдаас 55 кг-ын жинд барилдсан А.Батцэцэг бүх өрсөлдөгчдөө илүүрхэн ялж залуучуудын дэлхийн аварга боллоо. Эмэгтэйчүүдийн 55 кг-ын жинд 20 бөх барилдсанаас А.Батцэцэг нэгдүгээр тойрогт хийлж, хоёрдугаар тойрогт Хятадын бөх Хьюжинг Вангийг, гуравдугаар тойрогт Германы бөх Женни Сенжерийг цэвэр ялсан байна. Улмаар мөнгөн медалийн төлөө барилдаанд Японы бөх Нанами Ириег 8:3-аар ялж, алтан медалийн төлөө Украины бөх Татьяна Киттэй өрсөлдөж 10:0-ээр илт илүүрхсэнээр ийнхүү аварга болжээ.
Тэрбээр Азийн өсвөрийн болон залуучуудын аварга, дэлхийн залуучуудын аварга бөгөөд олон улсын хэмжээний мастер, хүүхдийн спортын наадмаас алт, өсвөр үеийн УАШТ-ээс хүрэл, залуучуудын УАШТ-ээс хүрэл, хошой алт, мөнгө, насанд хүрэгчдийн УАШТ-ээс алтан медаль хүртээд байгаа шилдэг тамирчин юм.
Шуурхай.мн
Холбоотой мэдээ
Comments are closed.
