УИХ-ын гишүүн М.Зоригт фэйсбүүк, твиттер хуудасаа идэвхитэй хөтөлдөг эрхэм билээ. Цаг үргэлж твиттер хуудсаараа жиргэж, фэйсбүүктээ элдэв зураг оруулж улстөрийн ажлаас илүүтэйгээр цахим ертөнцөөр аялах дуртай нэгэн. Тэгвэл саяхан өөрийнх нь тухай үнэн худал нь үл мэдэх талаар бичсэн фэйсбүүк хэрэглэчийг шүүхэд өгөхөө мэдэгджээ.

Тэрээр нэгэн иргэн түүний тухай “Энэ хүн бол төрд гарсан олигархийн жинхэнэ төлөөлөл… Төр засгийг яг л хувийн компани болгож, хувийнхаа бизнесийн эрх ашгийн төлөө хууль батлуулж чадаж байна. Сүхбаатар аймгаас сонгогдоод ураны асуудлыг идэвхжүүлсэн хүн… Түүний эрх ашиг нь Эрдэнэцагааны нутаг дахь алдарт Лхачивандад уулаас эхлээд хилд тулгаад шатдаг занарын хайгуулын зөвшөөрлийг алгасаад шууд олборлох хуулийг батлуулчихлаа. Энэ лицензийг дөрөвдүгээр сард авсан учир ашигт малтмалын хуулийг ноцтой зөрчиж байна. Одоо Хятадтай хилийн бүсийн менежментийн гэрээ хийх гэж байна” хэмээн бичжээ.

Үүний хариуд М.Зоригт гишүүн “Энэ хүн намайг шалгуул. Эсвэл би түүнийг шүүхэд өгнө” хэмээжээ.

Эх сурвалж: Шуурхай.мн