Өнгөрсөн шөнө 04.00 цагт хөлбөмбөгийн ДАШТ-ний шөвгийн дөрвийн эхний тоглолт Бразил, Германчуудын хооронд боллоо. Тоглолт 7:1 харьцаатайгаар Германчууд Бразилийг буулган авсан юм. Бразилчуудын хамгийн гол тоглогчид болох Неймар гэмтэл авч, багийн ахлагч Тиагу Сильва торгуулийн улмаас талбайд гарахгүй болсон юм.

Германчууд 11 дэх минутад Тони Кроосын дамжуулалтаар Томас Мюллер гоол оруулж, тооны харьцааг нээсэн.

Харин тэмцээний 23 дахь минутад Германы шигшээ багаас Мирослав Клозе, 24, 26 дахь минутад Тони Кроос, 29 дэх минутад Сами Хедира гоол орууллаа. Солилцоогоор гарч ирсэн Андре Шюррле зургаа дахь бөмбөгийг тэмцээний 69 дэх минутад оруулснаар немцүүд энэ тэмцээнд хожих нь гарцаагүй боллоо. Дахиад 10 минутын дараа дахин нэг бөмбөг орж долоон гоолын эзэд болов.
Ийнхүү Германы шигшээ баг дэлхийн хөлбөмбөгийн аварга шалгаруулах тэмцээний алтан медалийн төлөө тоглох эрхтэй боллоо.
Хөлбөмбөгийн дэлхийн аварга шалгаруулах тэмцээний хагас шигшээгийн дараагийн тэмцээн долдугаар сарын 10-нд Аргентин, Нидерландын шигшээ багийн хооронд болно.

Дэлхийн аваргын алтан медалийн төлөөх тэмцээн долдугаар сарын 13-нд болно.
Эх сурвалж: Шуурхай.мн