Драмын театраас гарч, “Хувьсал” продакшнд харъяалагдах болсон жүжигчин А.Ганчимэг саяхан амаржиж хөөрхөн охинтой болсон билээ. Анх “Хэцүү анги” киноны эрх Зулаагийн дүрээр олонд танигдаж байсан бөгөөд чамгүй сайн жүжигчин гэдгээ ч харуудлаад авсан. Өдгөө тайз, дэлгэцийн олон дүрийг мөнхөлж Монголын сайхан бүсгүйчүүдийн тоонд зүй ёсоор багтах болсон. Үеийхэн дундаасаа авьяас чадвар, хөдөлмөрч байдлаараа ялгаран СТА хэмээх цолоор цэл залуугаараа энгэрээ мялаасан адтай бүсгүй. Тэрээр “Зэрлэг цэцгсийн хүлэмж” уран сайхны кинонд хамтран тоглосон Б.Энхүүш хэмээх жүжигчин залуутай хайр сэтгэлийн холбоотой болж хөөрхөн охинтой болсон. Гэвч урлагийн сайхан хосуудыг нэгээр нэмээд байсан хосууд маань удалгүй салсан бөгөөд нэг хэсэг жүжигчин А.Ганчимэг хүүхдээ ганцаараа өсгөнө хэмээн шар хэвлэлээр шуугиж байсан. Тэгвэл хосууд эргэн нийлсэн сурагтай.

Залуу жүжигчин Б.Энхүүш Солонгост сурдаг бөгөөд эх орондоо ирсэн байгаа гэнэ. Ямартай ч залуу гэр бүлд аз жаргал илүү их амжилтыг хүсье.

Эх сурвалж: Шуурхай.мн