Монгол бөхийн цолны найрааг эсэргүүцэн зүлэг ногоон дэвжээнээсээ зодог тайлаад багагүй хугацааг үдэж байгаа Монгол улсын даян аварга А.Сүхбат Ардын хувьсгалын 93 жилийн ой Их Монгол улс байгуулагдсаны 808 жилийн ойн баяр наадмаар зодоглох тухай яриа гарч эхэлсэн билээ. Тэгвэл энэхүү мэдээлэл ташаа мэдээлэл гэнэ. Тэрээр А.Сүхбат аваргын ойрын эх сурвалжийн мэдээлсэнээр “Аварга энэ жил зодоглохгүй ээ. Энэ ташаа мэдээлэл. Тэртээ тэргүй зодог тайлаад олон жил болчихсон. Үүнээс хойш ч өөрийнхөө байр суурийг олонтаа илэрхийлсэн. Би зодоглохгүй гэж жил болгон ярьчихаад нэг хуулиас болоод зодоглоно гэж юу байхав ээ. Энэ бол худлаа мэдээлэл шүү. Аварга өөрөө холбогдох боломжгүй, бөхийн гал дээр байгаа. Одоо ч энэ хойно бөхчүүдтэй зогсож харагдана. Зодоглохгүй шүү” хэмээсэн байна.

Монгол түмнийхээ хайр хүндэтгэлийг хүлээсэн хүчит бөх маань эргээд зүлэг ногоон дэвжээнээ гараасай гэсэн хүсэлтэй хүмүүс олон байгаа нь үнэн. Тэрээр нэгэн цагт А.Сүхбат аварга “Монгол бөхийн шинэчлэл хийгдээд, найраагүй сайхан болбол барилдаж яагаад болохгүйг гэж. Манай нэгэн үеийн зургаан залуу заанууд тэр үедээ үнэхээр шуугиулж байжээ. Бөх рүү ард түмнийг хошууруулах, бөхөд хорхойтой болгоход нөлөөлсөн. Бид зургуулаа эргээд барилдсан ч болно. Би бол хоёр сар бэлтгэл хийхэд л барилдахад бэлэн болно” гэж ярьж байсан удаатай.

Эх сурвалж: Шуурхай.мн