1999 оноос эхлэн Г.Буяндоржид зальдуулчихлаа, дээрэмдүүлчихлээ гэсэн мэдээлэл тасрахгүй явсаар өнөөг хүрсэн билээ.

“Олон хавар нэгэндээ” гэгчээр Г.Буяндорж болон түүний хамсаатнуудад бусдыг залилан онц их хэмжээний хохирол учруулсан, хуурамч бичиг баримт  бүрдүүлсэн, бусдыг онц ноцтой хэрэгт гүтгэсэн гэх зүйл ангиудаар ял төлөвлөн шүүхэд шилжүүлээд байгаа аж.

Тэрээр урьд нь бусдыг залилан онц хэмжээний хохирол учруулсан, хуурамч бичиг баримт бүрдүүлсэн, авлига өгсөн гэх мэт хэргүүдээр шүүхэд дуудагдсан ч “Өршөөлийн хууль”-д хамрагдаж байжээ.

Хоёр ч удаа Өршөөлийн хуульд хамрагдаж, хэрэг нь хэрэгсэхгүй болж байсан Г.Буяндоржийн хэрэгт Д.Батжаргал, Хурцаа, Ч.Ууганбаяр, Г.Дамдиндорж зэрэг хүмүүс холбогдон яллагдагчаар татагджээ. Бусдад учруулсан хохирлын хэмжээ нь хэдэн тэрбумаар яригдаж байгаа аж. Эрүүгийнхуулийн 248.4-т зааснаар ял төлөвлөсөн бөгөөд арав хүртэл жилийн хорих ял оноох магадлалтай юм байна. 

WWW.ZONE.MN