Залуу дуучин Т.Аминаа бага наснаасаа уран бүтээлийн гараагаа эхэлсэн ч бусад ододын адил янз бүрийн хэл аманд өртөөд байдаггүй дуучдын нэг. Тэрээр дунд сургуулийн сурагч байхаасаа л дуулж ,21 аймгаар аялан тоглосон чадварлаг уран бүтээлч бөгөөд СУИС-ийн Хөгжмийн урлагийн сургуулийн эстрад дуулаачийн ангийг онц төгссөн билээ. UBS телевизээс зохион байгуулсан “Universe best songs” тэмцээнд оролцоход нь үзэгчид хамгийн ихээр дэмжиж, урам хайрлаж байсан бөгөөд шилдэг 25 оролцогчийн тоонд зүй ёсоор багтсан юм. Урлагийн амьдралд багаасаа хөл тавьж түүндээ үнэнчээр зүтгэж яваа Т.Аминаа сүүлийн үед нам гүм байгаа. Тэгвэл элдэв шар хэвлэлд өртөөд байдаггүй дуучин бүсгүй маань хувийн амьдралдаа ихээхэн анхаарал хандуулах болсон сурагтай. Тэрээр шинэхэн хайртайгаа учирж, найз залуутайн болсон гэнэ. Түүний хайрыг татсан залуу нь мөн л урлагийн сайхан залуу аж. Олонд “Учиртай гурав” уран сайхны киногоор танигдсан загвар өмсөгч О.Амгаланбаатар түүний найз залуугаар тодорчээ.

Эх сурвалж: Шуурхай.мн