Дэлхийн өнцөг булан бүрт байгаа хүмүүсийн сэтгэл зүрхийг нэгтгэж чаддаг спорт яах аргагүй хөл бөмбөг билээ. Энэ жилийн дэлхийн аварга шалгаруулах хөл бөмбөгийн тэмцээн олон хүний анхаарлыг татсан тоглолтуудаар үргэлжилсээр байгаа. Хөл бөмбөгийг зөвхөн хүмүүс ч биш амьтад хүртэл хожил, хожигдлыг тааж өөрсдийн мэдрэмжээрээ мэргэлж сууж байна гэнэ. Тэрээр Дубай хотод амьдардаг Шахеен тэмээ хөлбөмбөгийн дэлхийн аваргад оролцож буй багуудын хэн нь ялахыг мэргэлдэг онцгой чадвартай аж. Энэхүү тэмээ нь олон хүний гайхширлыг төрүүлээд байгаа бөгөөд үнэхээр түүний таасан багуул хожил байгуулдаг байна. Дөрвөн жилийн өмнө Өмнөд Африкт болсон тэмцээний үеэр мэргэ буулгадаг наймаалж гарч шуугиан тарьж байсан юм. Тэгвэл Шахеен тэмээ энэ удаагийн тэмцээний нээлтэд Бразил Хорватыг ялна гэдгийг зөв таасан ажээ. Мөн Португал, Германы тоглолтыг ч зөв тааж олныг шуугиулаад байгаа. Тэрээр мэргэ төлөгч тэмээний хажууд өрсөлдөж буй багуудын нэрийг бичсэн шон өлгөнө. Харин тэмээ ялах багийн шонг түлхэж унагадаг аж. Тэгвэл өнөө шөнө тоглох Бразил, Мексик хоёрын тоглолтыг зөв тааж чадах болов уу.

Эх сурвалж: Шуурхай.мн