Өнгөрсөн гуравдугаар сарын барилдаанд Японы мэргэжлийн сумогийн 71 дэх их аварга М.Ананд Монгол түмнээ омогшуулж сайхан барилдаан үзүүлсээр Ёкозуна цол хүртсэн билээ. Тэрээр шинэ цолныхоо найрыг өнөөдөр Токио хотноо Японы Эзэн хааны ордны өмнөх талбайд хийх гэнэ. Энэхүү арга хэмжээнд Монголоос 100 зочин уригдсан бөгөөд гурван баг болж очих зочдын түрүүч өнгөрсөн пүрэв гарагт Токиог зорьсон бол  сүүлийн баг өчигдөр  оройны нислэгээр явжээ.
Зочдын дотор түүний төрсөн нутаг Сүхбаатар аймгийн эрхмүүд хүндтэй байрыг эзэлж байгаа тус нутгийн бөхчүүдийг төлөөлж Улсын харцага Д.Магалжав явж байгаа юм байна. Мөн М.Анандыг дэмждэг алтан нутгийн залуучуудыг төлөөлж Сүхбаатар аймгийн оюутан, залуусын “Жавхлант шарга” клубын тэргүүн Б.Нарантунгалаг аваргын найранд уригджээ.
Цолны найрыг зохион байгуулагчид очсон  зочдыг арал дээрх хотуудтай танилцах, Фүжи уулаар аялуулах юм байна.

Эх сурвалж: Шуурхай.мн