Солонгосын Инчоноос Чежү арал руу 475 хүн тээгээд явж байсан усан онгоц өнгөрсөн дөрвөн сарын 16-ны өдөр осолдож живсэн харамсалтай үйл явдал гарч дэлхий дахинаа цочролд оруулаад байсан. Энэхүү олон хүний амь насыг авч одсон харамсалтай хэрэг явдалд тус онгоцны ахмад болон багийн 15 гишүүнийг буруутгаад байгаа.

Тэгвэл өчигдөр “Севол” усан онгоцонд олон хүн амь үрэгдсэнд холбоотой буруутан этгээдүүдийн шүүх хурал БНСУ-ын Гуангжү хотод эхэлсэн бөгөөд онгоцны ахмад болон туслах жолооч нарын дөрвөн хүнд цаазаар авах ял оноох магадлалтай байгаа гэнэ. Шүүх хурлын үйл ажиллагааг ослоор амь насаа алдагсдын гэр бүлийнхэнд зөвхөн шууд дамжуулан үзүүлж байгаа ба шүүхийн гадна олон тооны иргэн жагсаал хийн, тэдэнд цаазаар авах ял оноохыг шаардсаар байгаа хэмээн тус улсын хэвлэлээр мэдээллээд байгаа юм. Өнөөдрийн байдлаар “Севол” усан онгоцоор амь насаа алдагсдын тоо 292 болж, 12 зорчигч ор сураггүй алга болсон байна.

Тэднийг онцгой аюултай үед зорчигчдын амь насыг аврах ажиллагааг боломжит бүх аргаар авах шаардлагатай гэсэн журмыг зөрчин, осол гарсан даруй хамгийн түрүүнд амь аврагдсан гэдэг шалтгаанаар эрүүгийн хэрэг үүсгэн шалгасан юм.

Эх сурвалж: Шуурхай.мн