Хууль зүйн сайд Х.Тэмүүжингийн “нууц амраг”, хар тамхичин хэмээгдэж буй Г.Сарангэрэл охин ШШГЕГ-ын харъяа Урьдчилсан хорих 461-р ангид өнгөрсөн тав дахь өдрөөс эхлэн өлсгөлөн зарласан байна. Тэрээр “Би хар тамхичин биш, ямар ч гэм буруугүй” хэмээн мэдэгдэж, өлсгөлөн зарлах болсон талаар эх сурвалж мэдээллээ.

Хэргийг сануулахад, 2014 оны гуравдугаар сарын 2-ны 22 цагийн үед Сүхбаатар дүүргийн нутаг дэвсгэрт Х.Гэрэл, Г.Сарангэрэл, Б.Энэрэл, Б.Отгончимэг гэх дөрвөн охин “Миами” зочид буудлын гадна автомашин дотор “Метафетамин” буюу мөс хэмээх хар тамхи хэрэглэж байгаад газар дээрээ цагдаа нарт баригдсан гэдэг. Гэхдээ тэд хаанаас, ямар хүнээс хар тамхи авч хэрэглэсэн болохоо хэлээгүй бөгөөд цагдаа нар тэдний гар утасны орсон, гарсан дуудлагыг хянаж ямар хүмүүстэй харьцсан болохыг олж тогтоосон байдаг.

Г.Сарангэрэлийн ашиглаж байсан 9961…, 9520… гэсэн дугааруудаас тэр өдөр сэжиг бүхий нэг дугаар луу маш олон удаа залгасан. Цагдаа нар энэ хоёр дугаарын цаана хар тамхи, мансууруулах бодис худалддаг гэмт этгээд байж болзошгүй гэж үзжээ.

Түүний 9961…, 9520… дугаараас гадагшаа гарсан ярианы цэсийг УЕПГ-ын зөвшөөрлөөр оператор компаниас нь гаргуулан авч дүн шинжилгээ хийсэн аж. 9961… дугаараас 71 удаа, 9520… дугаараас 41 удаа залгаж холбогдсон 9910… дугаар нь ХЗДХ-ийн сайд Х.Тэмүүжингийн гар утасны дугаар болох нь тодорхой болсон байдаг.

Шуурхай.мн