Монголын толгой баян эр Н.Нямтайширын хүү охидын тухай мэдээлэл хэвлэлээр хөвөрч байхаас өөрөө бол олны нүдэнд өртөөд байдаггүй хүн. Насаараа тагнуулын байгууллагад ажилласан тунчиг хашир няхуур нямбай Н.Нямтайшир ноён эр хүний гурван нүгэл архи, хүүхэн, мөрийтэй тоглоомноос хол нэгэн гэж ойрынхон нь үнэлдэг. Нам гүм даруухан амьдрахыг эрхэмлэдэг энэ эрийн хүү, охин хоёр нь бол нэлээд бужигнуулчихдаг. Ганц хүү Н.Номтойбаяр нь хүүхэн шуухнаас эхлээд зодоон цохион мөрийтэй тоглоом гээд аавынхаа амьдралдаа хэрэглэж үзээгүйг л хийж явдаг сураг дуулддаг. Үр хүүхдийнхээ төлөө юугаа ч харамладаггүй Монголчуудын жишгээр Н.Нямтайшир ноёнтон хүүгийнхээ сонгогдсон тойрог дээр өөрөө очиж ажиллаж яваа харагддаг.
Тэрбээр Чойбалсан хотын төв Баянтүмэн суманд иргэд, хөдөлмөрчидтэй уулзаж явахыг харсан нутгийнхан “Манай гишүүн Н.Номтойбаяр ямар их хөгшрөө вэ?” хэмээн андуурсан сураг байсан.
Н.Нямтайшир ноёнтон ганц охин ч бас ахаасаа дутахгүй дэггүй. Сүр дуулиантай хуримласан энэ бүсгүй удалгүй нөхрөөсөө салсан сураг байсан. Унасан үнэтэй машиндаа номер зүүгээгүйгээсээ болон маргалдаж,  төрийн цагдаагийн өөдөөс салаавч гаргахаас ч сийхгүй Н.Цэлмүүн бүсгүй өдгөө “Хас”-ын Ганхуягийн төрсөн дүү Ч.Ганзоригтой дурлалын романс үүсгэж яваа.
Харин Н.Нямтайшир ноёнтон Богд уулын аманд тансаг харш бариулан, Арабын шейхтэй айлсан амьдарч байна. Тэдний хотхонд хүүгийнх болон Н.Номтойбаярын анхны эхнэрийн хүү Н.Мөнгөншагайнх нь бий.
УИХ-ын гишүүн Н.Номтойбаяр  10 жилийн ширээнээс салмагцаа , өөрөөсөө нэлээд хэдэн насаар эгчмэд бүсгүйтэй учир ургуулж Мөнгөншагай хэмээх хүүгийн аав, ээж болоод удалгүй салсан гэдэг. Хүүгийнхээ хүүг Н.Нямтайшир ноён өөрийн нэр дээр авч өсгөсөн гэлцдэг бөгөөд өвөөгийн хайртай ач саяхан өрх тусгаарлаж, өвөөдөө гучийг нь үзүүлсэн.  Зарим нь ноён Нямтайшир, түүний гэргий хоёрын төрсөн хүү ч гэлцдэг.
Арабын шейхтэй айлссан Н.Нямтайшир ноёнтоны дээд зэрэглэлийн харуул хамгаалалттай хотхныг үзсэн харсан хүмүүс гайхан биширсээр  гардаг байна.

Эх сурвалж: http://tovchoo.mn/8865