Авто зам засварын ажил эхлээд байгаа энэ үед замын хөдөлгөөний ачаалал нэмэгдэж байгаа хэдий ч өмнөх жилийн түгжрэлээс харьцангуй бага байгаа нь сайшаалтай хэрэг. Тээврийн хэрэгсэл жолоодож яваа жолоо нар соёлтой хүлээцтэй байх болсон нь ийн хөдөлгөөний ачаалалд эерэгээр нөлөөлж байгаа юм.

      Тэгвэл маргааш буюу энэ сарын 30-нд Баянзүрхийн товчооноос Богд уулын араар Яармагийн гүүр хүртэлх 17.6 км авто замыг шинээр барих ажил он дамжин хэрэгжиж байгаа юм. Тус зам барилгын ажлын хүрээнд “ЭСТО” ХХК Зайсан толгойн зүүн талаас Их тэнгэрийн амны зүүн тал хүртэлх 2.2 км авто замыг 10 хоногийн турш хааж, хуучин асфальтбетон хучилтыг дахин боловсруулах, мөн замын суурь асфальтбетон хучилтыг дэвсэх ажлуудыг гүйцэтгэнэ.

   Дээрх 10 хоногийн хугацаанд тус 2.2 км авто зам руу хоёр талаас нэвтрэх боломжгүй хаалттай байх юм. Учир нь Туул голын хөвөөгөөр түр зам гаргах боломжгүй байна. Иймд 10 хоногийн туршид Богд уулын арын замаар тээврийн хэрэгсэл зорчих боломжгүй болохыг Нийслэлийн Авто замын газраас иргэдэд мэдэгдэж байна.

Шуурхай.мн