Монголын толгой баячуудын нэг “Женко” Х.Баттулгыг шаггүй тамирчин байсан, одоо ч спортод их элэгтэй гэдгийг хүмүүс андахгүй мэднэ. Хоёр ч удаа самбо бөхийн дэлхийн аварга болж байсан ба Дэлхийн аварга болж ирээд хотын захиргаанаас байр олгохыг гуйхад энэ амжилтаа дахин давтвал орон сууцтай болгоно хэмээн амыг нь тагласан гэдэг.  Гэвч шаргуу хичээллэж байгаад амжилтаа давтаж байртай болоод хөл нь газар хүрэхгүй баярлаж явсан залуу өдгөө Монголын тэргүүн баячуудын нэг болж чаджээ. Спортын салбарт гаргасан түүний амжилтыг үнэлж гавьяат тамирчин цолоор энгэрийг нь мялаасан байдаг. Х.Баттулга 1990 онд бизнесийн салбарт хөл тавихаар шийдэж “Женко” ХХК байгуулсан юм билээ. Бизнесийн гараагаа эхлэх хуримтлалыг тамирчин байхдаа цуглуулсан шаггүй сэргэлэн залуу байж. Гадаадын олон орон руу улсын зардлаар тэмцээн, уралдаанд явахдаа Монголд ямар бараа аваачиж зарвал хэдэн төгрөг унагах бол гэж тооцоолдог байж. Тэр үеэс мөнгөний амтыг, бизнес хийхийн давуу талыг ухаарч урлаг, спортын салбараас хөндийрчээ. Энэ мэтээр Х.Баттулга уйгагүй хөдөлмөрлөсний үр дүнд өнөөдрийн өндөрлөгт хүрсэн бөгөөд Монголын толгой баян улс төрчидийн нэг болсон.

Өрх гэрийн ноён нуруу тулгатай, хэлсэн үгэндээ хүрдэг, шулуун шударга, олон таван үггүй, хов жив хөөцөлдөөд байдаггүй “жинхэнэ эр хүн”хэмээн ойр дотныхон нь Женко Х.Баттулгад сайшаан ярьдаг гэнэ лээ. Тэгвэл өөрийнхөө туслахаар дөнгөж нэг жил ажилласан залууд “нүнжигтэй” хандан үнэтэй машин бэлэглэсэн талаар цахим ертөнцөөр шуугиан дэгдээд байна. Тэрээр Х.Баттулгын туслахаар нэг жил ажилласан залуу өөрийн цахим хуудаснаа “14 жил МоАХ, АН-ын төлөө зүтгэж, гадаа гандаж хөдөө хөрч явахад, ганцхан жил Женко-гийн туслах хийгээд л ийм болжээ” хэмээн олны атаархалыг хүргэж, баярхаад авчээ. Ямартай ч Женко маань мөнгөн дээр нарийлаад байдаггүй, өгөх гэсэн хүндээ “хотойхгүй” өгчихдөг нэгэн гэдгээ баталлаа.

Эх сурвалж: Шуурхай.мн