Рок попын эмэгтэй дуучдын тэргүүн эгнээнд зогсч, хос багана шиг болчихсон хоёр поп дива дуучин бол МУГЖ Б.Сарантуяа, Т.Ариунаа бөгөөд тэднийг мөнхийн өрсөлдөгч ч гэх нь бий. Хорь гаруй жил тайз эзэгнэн дуулж яваа энэ хоёр хатагтайн өмнө гарах дуучид рок попын гал тогооноос одоохондоо төрөөгүй л байна. Монголын рок поп ертөнцөд зэрэг гарч одоог хүртэл гялалзаж яваа дуучдыг сонсогч фэнүүд нь үргэлж хооронд нь харьцуулж өрсөлдүүлсээр ирсэн билээ. Олны танил болж эхлэх үедээ Сарааг тухайн үед Болгарт суралцаад ирсэн дуучин Т.Ариунаа “Тэрэнд надтай өрсөлдөх юм юу ч байхгүй. Зүгээр л нэг жалгын од” гэж тодорхойлон багагүй шуугиан тарьж байсан. Үүгээрээ ч Ариунааг Сараатай өрсөлдөж явдаг гэдгээ батлаад авсан. Гэхдээ дуучид маань нас ахиж, урлагт олон жил зүтгэх хугацаандаа урлагийн тайзнаа төдийгүй бодит амьдрал дээр ч дотно сайхан найзууд болсон гэдгээ хэвлэлээр нэг бус удаа зарлаж байсан. Тэгвэл энэ бүхэн зүгээр нэг жүжиг байсан бололтой. Саяханы нэгэн нэвтрүүлэгт МУГЖ Б.Сарантуяа оролцож Т.Ариунааг “нам хийгээд” авчээ. Тэрээр хэлэхдээ “Рок попын өнгө төрхийг тодорхойлж байгаа цөөхөн хүн бий. Ариунаа туршлага сайтай ч, хоолойны цар хүрээ муутай хүн. Яг мэргэжлийн түвшинд авч үзвэл ийм л тодорхойлолтыг би өгнө. Үнэхээр чадалтай, сайхан хоолойтой хүн бол хөгширсөн ч гэсэн дуулж чаддаг байх ёстой” хэмээн олныг гайхшируулаад авлаа. Ямартай ч рок попын хос багана шиг дуучид маань арагагүй л мөнхийн өрсөлдөгчид бололтой.

Эх сурвалж: Шуурхай.мн