Ерөнхий сайдын хоёр дахь эхнэр Х.Сэлэнгээг сүүлийн үед уншигчид андахгүй болсон биз ээ. Хэн ч харсан нүдэнд дулаахан, нуруулаг, өөртөө таарсан мах мариатай Х.Сэлэнгэ цаанаа л хатны шинжийг агуулсан гэмээр нүнжигтэй, үзэсгэлэнтэй харагддаг. Хайрт хань, Монгол Улсын Ерөнхий сайд Н.Алтанхуягтаа 54 насанд нь бяцхан гүнж төрүүлж өгсөн тэрбээр өдгөө хэвийн жиндээ орж, эрч хүчээр дүүрэн яваа харагдана лээ.
Охиноо төрүүлээд удаагүй ч гоолиг, сайхан яваа нууц нь Гоолингоо бүжгийн клуб юм. Ерөнхий сайдын эхнэрын хувьд түмний нүдэнд ил амьдардаг учраас гоё, сайхан харагдах хэрэгтэй. Энэ ч утгаараа тэрбээр охиноо төрүүлээд удалгүй “Гоолингоо”-доо явж эхэлсэн гэнэ лээ. МУГЖ Б.Бэхбатын ажиллуулдаг “Гоолингоо” клубийн идэвхитэй бүжигчин болоод олон жил болж байгаа тэрбээр хэдийнэ хэвийн жиндээ эргэн орсон төдийгүй зун цагтай уралдаад улам гоолиг болохоор өдөр алгасалгүй “хичээлдээ” явдаг аж.
Х.Сэлэнгээ өнгөрсөн жил Хүний гавьяат их эмч Бүлтэнгийн хувийн эмнэлэгт амаржсан. Ерөнхий сайд гэргийгээ өөрөө ирж сахихын сацуу тус эмнэлгийн гадна болон дотор заалыг хамгаалалтад авсан нь тус эмнэлэгт эхнэр нь амаржиж буй бусад аавуудад багагүй төвөг учруулсан гээд л хэл ам гарч байлаа. Харин тэр зунаа буюу зургадугаар сарын 1-нд бяцхан охиноо тэвэрсээр Чингисийн талбайд гарч ирж Монголынхоо бяцхан үрстэй мэндэлсэн Ерөнхий сайд болон түүний гэргий нар олны анхаарлыг багагүй татахын зэрэгцээ Х.Сэлэнгэ хатагтай бага зэрэг жин нэмсэн нь ажиглагдсан. Өдгөө Ерөнхий сайдын гэргий буцаад хэвийн жиндээ ороод байгаа нь Х.Сэлэнгээгийн идэвхитэй хичээл зүтгэл, чамгүй хөлс  хүчний үр дүн ажээ.

Эх сурвалж:http://www.mongolcomments.mn/index.php?pid=54&sec=view&id=12950