Сүүлийн хэдэн өдрүүдэд шар хэвлэлээр “Шинэ үе”-ийн жүжигчин Ц.Алдармаа, Д.Оюунтуул нарын хэрүүл, нэгнийгээ халуун усаар “шалзалж алах” гэсэн мэдээллүүд олныг гайхшируулаад байна. Энэхүү хэргийн гол буруутан нь Алдармаа болж, Оюунтуул хохирогч болон амьдрал дээр ёстой өөрсдөө хошин шог үзүүлээд байгаа. Ажлынхаа хамтрагчид чадуулсан гэх жүжигчин Оюунтуул одоо түлэнхийн эмнэлэгт эмчлүүлж байгаа бөгөөд өөрийгөө мөн хохирогч хэмээн зарласан Алдармаа ч мөн эмнэглэг хэвтэж байгаа гэнэ. Тэрээр Алдармааг түүний найз “3 охин” хамтлагийн дуучин Анхмаа эргэсэн сурагтай. Найзынхаа талаараа дуучин бү сгүй өөрийн цахим хуудаснаа ийн өгүүлжээ. “Эмнэлэгт бие нь муу халуураад хэвтэж байгаа найзыгаа хараад өөрийн эрхгүй нулимс унагалаа. Сэтгэл өвдөж байна. 3-А түлэгдэлттэй. Үнэн зөвийг найзынхаа амнаас сонсоход Алдармаагийн нуруу руу эхэлж буцалсан халуун ус хийсэн байна. Хажуудаа олон гэрчтэй. Гэтэл хоёрхон хоногийн дотор хэвлэл мэдээллээр найзыг минь буруутгасан, дайрсан мэдээллүүд ар араасаа гарч байгааг хараад дуугүй өнгөрч чадсангүй. Та бүхэн зөвөөр ойлгоорой ” хэмээжээ.

Ямартай ч нэг хамт олон болж ажилдаг, ажлын хамтрагчид болох жүжигчин бүсгүйчүүд хоёулаа эмнэлэгт хэвтэн эмчлүүлж байгаа гэнэ. Чухам хэн нь буруу хэн нь зөв болох нь өөрсдөө л мэдэх байх. Гэхдээ эмэгтэй хүн, эх хүмүүс байж хүний ухаанаас гарахааргүй бие, бие рүүгээ буцалсан халуун ус цацаж муудна гэдэг “хэрцгий” л санагдаж байна даа бүсгүйчүүд минь.

Эх сурвалж: Шуурхай.мн