Чадалтай хоолой, авьяас билгээрээ гэрэлтэж, дуурийн урлагийн энэ цагийн өнгийг тодорхойлж яваа УДЭТ-ын гоцлол дуучин МУГУЖ Ө.Уянга хөл хүнд болжээ.

“Классик жем” хамтлагийн гишүүн болж олонд танигдаж байсан тэрбээр өөрийн авъяас чадлын хүчээр нэр алдрын оргилд хүрч чадсан нэгэн. Хаа ч явсан эрч хүч “ханхалуулж” олны анхаарлыг татаж байдаг энэ бүсгүй хувийн амьдралаараа ч хүн бүрийн анхаарлыг татдаг нь нууц биш. Анхны нөхрөөсөө салмагц дүүмэд залуусаар өөрийгөө хүрээлүүлж, хэвлэл мэдээллээр нэлээдгүй шуугиан тарих болсон түүнийг “Dior”-ын Батчулуун хатагтайн ганц хүүтэй хайрын романс үүсгэж явсаныг мэдэхгүй хүн ховор. Гэвч түүний адармаатай хайрын түүх төдийлөн удаан үргэлжлээгүй. Харин үүний дараагаар дууч бүсгүй маань мөн л өөрөөсөө үе мултарсан дүү залуутай нэр холбогдож эхэлсэн. Түүний энэ удаагийн сонголт “Улаанбаатар” чуулгын дуучин Б.Баатархүү гэх залуу. Б.Баатархүү нь 1987 онд төрсөн бөгөөд СУИС-ыг 2009 онд төгссөн аж. Хосууд өдгөө нэг гэрт ороод удаагүй байгаа төдийгүй дуучин бүсгүй залуу амрагтаа хүүхэд төрүүлж өгөхөөр бэлдэж байгаа тухай ойр дотныхон нь ярьж байна. Тэрбээр хөл хүнд болмогцоо уран бүтээлээсээ түр чөлөө аваад байгаа гэнэ лээ.