Тайз дэлгэцийн олон бүтээлээрээ хэдийнээ олны танил болж, нэгэн үе УДЭТ-д харьяалагдаж байсан жүжигчин Г.Алтаншагай, Г.Эрхэмбаяр нар бие дааж уран бүтээлээ туурвиж “Мөрөөдлийн театр”-аа байгуулаад нэлээдгүй хугацааг ардаа орхиод байгаа. Шинээр тоглогдсон уран бүтээл болгон нь үзэгчдээс сайн үнэлгээ авдаг тус хамтлаг дахин шинэ уран бүтээлээ үзэгчиддээ хүргээд байгаа.

Энэхүү  цоо шинэ уран бүтээл болох “Утасгүй бол үхлээ юу?” шоу тоглолтоо  Тусгаар тогтнолын ордонд энэ сарын 23-наас эхлэн өдөр бүр 19.00 цагаас тоглож байгаа билээ. Рекламнаасаа эхлээд л олон хүний сонирхолыг татаад байгаа уг шоу тоглолтонд  жүжигчин Б.Навчаа урилгаар оролцож байгаа юм. Тус хамтлагийн уран бүтээлийг олны танилууд ч мөн сонирхон үзэж байгаа бөгөөд өчигдөр болсон тоглолтыг нь Монгол Улсын гавьяат тамирчин, Хөдөлмөрийн баатар Х.Цагаанбаатар үзэхээр иржээ. Харин Навчаа энэхүү завшааныг ашиглан “Хөдөлмөрийн баатар маань тоглолтыг минь үзэх нь. Ингээлгээд, саваалгаад өгье кккк” хэмээн бичжээ.

Эх сурвалж: Шуурхай.мн