Сүүлийн үед “Шинэ үе” продакшны жүжигчин Г.Ундармаа хамтлагтаа харагдахгүй байгаа. Бүр хошин урлагийн хоёр жилд нэг удаа тохиодог “Улаан хивс”-ний ёслолд ч хүрэлцэн ирээгүй юм. Тиймээс зарим нэг хэвлэлд Г.Ундармаа, Бооёо буюу Н.Ариунболд нарыг муудалцаж, түнжин хагарсан гэх мэдээлэл цацагдах болсон.

Монголын хошин урлагийн “акул”-уудын нэг болох Г.Ундармаа хамтлагийн ахлагч Бооёотойгоо түнжин хагарсан эсэх нь баттай биш ч гэсэн өөрөө үгүйсгэхгүй байгаа юм.

Үргэлж үзэгчдэд инээд бэлэглэж байдаг цог жавхаатай сайхан бүсгүй маань хамтлагтаа тоглохгүй байгаа ч шинэ уран бүтээлдээ ороод байгаа. Харин хэнтэй хамтарч ямар уран бүтээл хийх нь таамаг төдий байсан бол түүнтэй ойр байдаг эх сурвалжийн мэдээлж буйгаар Г.Ундармаа эргэж “Шинэ үе”-д орохгүй бөгөөд тусдаа хамтлаг байгуулаж байгаа сурагтай.

Тэр ч бүү хэл “Шинэ үе” продакшний залуу жүжигчин болох Ц.Алдармаа, Отгоо буюу Б.Отгонтуяа, Ганбаа буюу Ц.Ганбаяр нараар багаа бүрдүүлэн ажиллаж байгаа гэнэ. Мөн н.Латив агсны хүү залуу жүжигчин Л.Нурбулан ч тэдэнтэй нэгдэж байгаа гэсэн шүү.

Эх сурвалж: Шуурхай.мн