Сураггүй болоод 11 хоног болж байгаа Малайзын “Malaysia Airlines” компанийн “Boeing 777-200” онгоцны холбооны системийг гараар унтраасан тухай Ройтерс мэдээлэв.
Малайзын Батлан хамгаалахын сайд Хисхаммуддин Хуссейн “Онгоц хөдөлснөөс 40 минутын дараа ACARS холбооны системийг хэн нэгэн хүн унтраасан” гэж хэлжээ. Системийг унтрааснаас 14 минутын дараа онгоцыг радарын хяналтаар хардаг дамжуулагчийг салгасан бөгөөд нисэгчдийн нэг нь “Сайн байна, сайхан амраарай” гэж диспетчерт хэлсэн нь сэжиг төрүүлж байгаа юм. Нисэгч нар ярианы хэлээр ингэж хэлэхгүй заавартайг “Ройтерс” агентлаг онцолсон аж. Онгоцыг хулгайлсан гэх таамгийг албаныхан дэвшүүлээд байгаа. Тиймээс нисэгчид, зорчигчдыг шалгаж эхэлжээ.
Хятад улс “Boeing 777-200” онгоцыг хайх ажилд “Хайсюнь-01” хөлгөөр эрэл хийж эхлэхээр болсон тухай “Синьхуа” мэдээлсэн байна. Хөлөг өнөөдөр Сингапураас хөдөлж, Зондын хоолойд эрэл хийж байгаа багтай нэгдэх гэнэ.
Хятадын энэ хөлөг нь эрэл хайгуулын орчин үеийн хөлгүүдийн нэг аж. Дэлхийн 25 орны эрлийн баг 11 улсын нутаг дэвсгэрээр онгоцыг хайж байгаа бөгөөд Малайзын онгоц ниссэн байж болох Пакистан, Афганистаны дээгүүр хүртэл самнаж байна.
Эх сурвалж:
Холбоотой мэдээ
Comments are closed.
