УИХ-ын ги­шүүн Л.Эрдэнэ­чимэг саяхан “100 асуулт, 100 ха­риулт” нэвт­рүүлэгт оролц­сон. Тэрбээр энэ үеэрээ “Газрын теннисээр хи­чээллэж со­нир­хогчдын ахмадын тэмцээнд орохоор бэлтгэж бай­гаа, толинд өөрийгөө хараад ямар царай муутай юм бэ гэж боддог тухайгаа, гар утасных нь дэлгэцэн дээр ач охиных нь зураг байдаг, нэг цүнхээ хоёр, гурван жил барьдаг, багадаа шар муур хочтой байсан гэх зэргээр олон асуултад сонирхолтой хариулт өгсөн юм.

Харин нэвтрүүлгийн тун хачир­халтай хариулт нь сэтгүүлч түүнээс “Манай нэвтрүүлэгт оролцоод хэр сандрав” хэмээн асуухад эрхэм гишүүн “Би өмнө нь телевизийн нэвтрүүлэгт орохдоо юуны талаар ярилцахаа лав­лаад, ярих болон төсгөлийн үгээ бэлддэг. Ялангуяа тамхины хяналтын тухай хуулийн талаар ярилцлага өгөхдөө огт сандардаггүй.

Харин танай нэвтрүүлэгт орохдоо их сандарлаа. Зүрх цохилоод байна” гэсэн юм. Тэгэхээр Л.Эрдэнэчимэг гишүүний зүрх энгийн үед огт цохилдоггүй. Ха­рин сандарч тэвдсэн үедээ цохилдог болол­той. Хөөрхий эх орныхоо төлөө зүтгэж яваа улстөрчийн эрүүл мэнд ээ гэж.
Эх сурвалж: